暑假倒數進行中。。。

今日係8月28號, 即係話距離開學只有1...2...3...4...5... 5日咋!!! 真係要好好珍惜喇~ 諗番今次暑假, 真係過得又快又開心。七月主要都係教會活動 - church school ; 而8月呢, 就真係完完全全咁奉上左俾學校同cadet!!

*8月初去左兩個camp (其實係連續去嘅, 四日三夜呀~)

*之後就一直係到prepare個中一迎新日, 直至到8月17號。果排成日番學校, 真係同番學都冇咩分別喇, 哈哈!! 不過又真係幾開心架^^

Church School LAST DAY *DAY 10*

Church School 去到最後一日喇... 好唔捨得呀! 點解呢10日Church School 過得咁快架?? 唔通開心嘅時間真係會過得特別快?? 我唔制呀>__<

回想番呢10日Church School, 真係好大好多咁經歷神。由第一日開始, 就已經同D組員好FRIEND~ 我地有好好嘅導師 - JACKY同ESTHER, 又有好好同好高嘅組長 - 波兒:) 仲有一大班組員: (就算係好多都要打哂出黎多謝你地^^) Ronnie, Vivien, Cherry, 阿權, 學怡, 啫喱, 阿健, DiDi, Joshua, Metal Jason XD 就係咁多喇, 多謝哂你地係我第一次join少年部Church School帶俾我咁happy嘅回憶:)  

Church School *Day 8*

Church School已經去到第8日喇... 好唔捨得呀=( 今次Church School好好好開心，因為神為我預備左一班好好嘅組員同組長同導師，多謝天父呀!!

我係Church School入面完完全全明白到mud係教會一家，真係好有一家人feel呀!! 大家一齊敬拜，一齊查經，一齊食lunch，一齊拍片，一齊喉嚨痛，一齊係times square玩沙甸魚.... 個d喜樂我相信一定從神而來，因為我地即使一齊做好多kai野，都會開心到大笑XD!!!

仲有呀，琴晚係我地第9組嘅"宿一霄"，即喺係教會過一晚夜呀!! 因為咁，我地就去左times square玩沙甸魚，雖然我係輸左，不過都玩得好開心呀!! 之後我地係教會玩Wii，超開心，勁爆笑!! 因為入面有一個game係玩用劍打死人，我地係咁fing個手制，d動作真係超好笑!! 最後我地係教會地下開睡袋瞓，好正!!

我好鍾意Church School呀!! 多謝天父!!

Church School *DAY 2*

今日係第二日番Church School喇~ 好開心呀:D

今年係我第一次參加youth嘅Church School, 之前都因為冇人陪所以唔番, 今年我有人陪, 而自己又想個暑假充實D, 所以就去報喇。原來番Church School好開心架, 唔怪得有咁多人想報啦... 係Church School入面, 我識多左人。最重要係可以成日敬拜, 成日親近神!!

我係Church School報左"向一百萬人進發"呢個course, 係一個學習關心貧窮人嘅course, 星期五仲要去煮飯俾一D綜緩家庭tim, 萬分之期待牙!!

雖然番Church School一連就係兩個星期, 仲要日日由朝到晚, 不過我認為都係值得嘅! 因為呢D一年先有一次嘅活動係好珍貴架:) 可況我覺得自己唔係好融入youth咁, 今次真係一個好好嘅機會俾我融入D牙!!

作劇本

今日放學放11點，出奇地準時... 但係我都係留左係學校。做咩? 咪就係作劇本囉~

劉sir琴日同我,cheryl,christy同hazel講，今年八月學校嘅中一迎新日嘅話劇由我地四個incharge... 所以我地要作劇本，安排演員... 好多野做呀!! 就單單係作劇本已經用左我地今日成個下午... 仲要係未完成架!! 不過我都好開心呀，因為成班fds一齊嘛:)

我地作個劇本好gag呀，我地一路作一路笑 :D 不過始終都係有d攰... ok啦...開心就得喇! 哈哈!!

作劇本都話係我地圍內嘅事，有咩問題都可以自己搞掂。但係之後同其人排戲就5係咁講la... 有d人可能想做，但係我地又覺得5係好好，d人就會話我地專制，串... 有d人我地覺得ok，但係佢又5想做，咁又好麻煩喎... 唉~ 總之人際關係e家野就係好麻煩啦... >__<" 

行山

今日係七一公眾假期，阿媽話去同佢小組d人一齊去行山... 我地入左愉景灣。其實都唔可以話係行山，因為我地冇真正行上一個山上面，只係o係山腳--郊外地方行吓咁啦~

羸左啦~

之前咪話參加時事常識問笞比賽

今日就係比賽喇

本來諗住只不過係盡力玩下咁

點知真係羸左呀

多謝哂咁多位隊友

辛苦大家了

                                      

同去印尼短宣嘅姐妹重聚

今晚好開心呀^^

因為要係祈禱會到分享講見證, 所以就同betsy姐姐同sara姐姐dinner, 去左"火車頭"食越南野....好味道呀 x)

之後betsy同我係分享之前final rehearsal一次, 又建議我可以再講多一d, 我就自己係祈禱房安靜一下, 再祈下禱, 之後我就可以源源不絕咁寫多左一大段, 我相信一定係聖靈嘅帶領黎架!

報名參加時事常識問答比賽

今日終於找到有人同我參加時事常識問答比賽啦! 好開心呀^^

雖然我完全冇參加過呢類問答比賽，不過唔知點解今次突然好想玩下咁~ 可能係因為我有份上台宣傳呢個比賽，所以有份我一定要試下嘅心卦~

同我一齊參加嘅有emily yan, anson yeung 同 jason lok. 聽ms.wu講anson好似好勁架wor~ 唔知我地呢個中3女仔+中4男仔嘅組合ok唔ok呢? 不過我同emily都分別有同anson一齊當值，應該ok冇問題的 =) 至於jason lok, 我地冇mud點合作過, 不過有anson係到應該都唔會合唔黎的......

最後同我自己同d隊友講一句：加油呀!! ^o^v 

日記 [27-4-2010]

今日真係好攰呀~ 好彩琴晚早D去瞓，如果唔係咁就真係死得啦>__<"

早會個陣要同karen宣傳時事常識問答比賽，係個台邊企左好耐，不過我地一路傾計，都唔算太難過嘅....

之後上中史堂，係就係好專心，不過要超用腦先可以明周sir講咩同跟得上講到去邊，上完之後真係成個人散哂咁 T_T

......

今天整個人都冇mud moon....

唔知點解??

可能係因為昨天晚上發生的事.....

也可能是我自己的關係.....

我實在認為自己不是一個好的朋友>__<"

我想同d朋友再friend d 呀!!

我想自己係同朋友的關係上有多d信心呀!!!!

主耶穌幫我呀~~

好開心~~

我今日實在太開心啦..... 之前成個星期等嘅就係今日!! 因為今日終於可以係去完印尼之後再同一齊去印尼嘅弟兄姊妹重聚啦^^ 雖然唔係好齊人，不過可以見到大家我已經好好開心啦!!

今日終於係印尼崇拜到分享左我嘅見證，上台個時真係好驚呀，不過我見大家都咁支持我，加上靠住神，

德國之旅 之 預備篇

好緊張呀~ 仲有16日就去德國啦!!! 咁即係仲有大約兩個星期就出發啦!!

之前仲有驚會唔會唔夠時間準備，又擔心會唔會帶唔夠、又或者拎唔齊d野去，不過頭先姑姐打俾我話大部分都已經幫我買左，我就開始放心番啦! 仲有呀，話哂我都係第一次唔同媽咪一齊飄洋過海，點都會有d擔心架嘛!  不過多謝神呀~ 你為我預備的一定夠，你真是太好了=)

姑姐話幫我買左雪鞋，雪褲，仲有d去好凍地方嘅保暖同禦寒野，好似好勁咁呀~ 同埋我發現左，原來只需係一件東西/物件之前加個「雪」字，個件物件就會立即可以保暖同禦寒架啦!! 哈哈^^

希望一切ok啦~

2010上學了

今天是2010年1月4日，也就是2010年的第一個上學天。其實今天沒有什麼特別的我認為....不過新一年希望有個好的新開始啦!!! =)

今天也是第二個學段的第一天，上一個學段已經過去了，我要"忘記背後，努力面前"!! 今個學段是個新的開始，也代表了有另一個短期目標等待著我，而我亦向那個長期目標更進一步了~ ^0^v

為自己加油啊~